Hilabete honetan Aiako alkate Nekane Arrizabalaga auzotarrekin bilduko da 2017 urterako Aiako Udalak dituen asmoen berri emateko. Gainera, herritarren iritzi eta ekarpenak ere jaso nahi ditu auzoz auzo egingo dituen bileretan; Urdanetan, Elkanon, Santio Errekan eta Andatza auzoetan egingo dituzte bilerak.
Aurtengo aurrekontua osatzerakoan auzoen beharretan arreta jarri du Udal Gobernuak. 2016ko inbertsio nagusia eskola berria amaitzea izan zen, eta auzoen eskariak aurrerago egitekotan geratu ginen. Horregatik, 2017an auzoetan inbertituko dugu, eta auzotarrei gure proiektuak azaltzeko antolatu ditugu bilerak, dio Arrizabalagak.
Auzoak "bizirik"
Arrizabalagak alkate kargua hartu zuenean herriarentzat auzoek duten garrantzia azpimarratu zuen. Aia herriguneak eta auzoek osatzen dutela azaldu du, eta auzotarrek lan handia egiten dutela beren ingurua txukun-txukun izateko. Argi dugu auzoek bizirik izan behar dutela.
Bileren egutegia
- Larunbata, martxoak 4. 12:00etan bilera egingo dute Urdanetako Eskola-etxean.
- Martxoak 11, larunbata. Bilera, 12:00etan, Andatzako eskolan.
- Martxoak 18, larunbata. Santio-Erreka auzoan egingo dute bilera 12:00etan, Mutilardoko egoitzan.
- Martxoak 25, larunbata. 12:00etan izango da auzotarrekin bilera, Elkano elkartean.