Iturraran parketxean garai batean ogia nola egiten zuten erakusteko tailerra antolatu dute, irailaren 2rako eta 16rako, larunbatarekin. Familia osoari zuzendutako ekimena da, eta bertan parte hartzen dutenek Agorregin ogia egiteko erabili izan ohi diren zerealak ikusi, oreari forma eman eta dastatzeko aukera izango dute. Gainera, Agorregiko errotak eta burdinola dauden bailarara ibilaldi bat ere egingo dute uraren bideak jarraituz eta errota bat ikusiko dute martxan. 10:30etik 13:15era luzatuko da ekimena.
Eskua bete ore Iturraranen izenburupean aurkeztu dute ekimena. Parte hartu nahi duten herritarrek aldez aurretik eman beharko dute izena, 943-835389 telefono zenbakira deituta edo iturraran@gipuzkoanatura.eus helbidera idatzita. Honako hau da prezioa: 2-12 urte bitarteko haurrek 5 euro eta 12 urtetik gorakoek 7 euro.