Martxoaren 15ean ospatu da Usurbilen Gipuzkoako Eskolarteko Bertso Idatzien Txapelketa eta bertan parte hartu dute Orioko eta Aiako hainbat gaztetxok eskualdeko beste zenbaitekin batera. Antolatzaileen arabera, aipagarria izan da ekitaldian parte hartu duten gaztetxoek erekutsitako maila eta sarituen artean Haizea Gurrutxaga eta Ibai Munduatek egindako bertsoak hautatu dituzte, biak Errikotxia Bertso Eskolako kideak.
Hemendik gure zorionik beroena bientzat eta parte hartu duten bertsolari gazte guztientzat.
Hona hemen lan saituak:
Haizea Gurrutxaga:
Gaia: Artista bat izango naiz
Doinua: itsasoari begira
Txiki-txikia ni nintzelarik
artista bat nahi nun izan,
denen aurrean, denak begira
kiroldegi baten dantzan,
nere amatxo leno ere bai
profesionala dela esan,
hau gezurra da bene-benetan
bera kriston txarra baitzan,
baina handitan nik egon nahi det
torneo batean plazan.
Ibai Munduate:
Gaia: Gaur gezur bat asmatu dut ikastolara ez joateko
Doinua: orioko balearenak
Atzo ikasi banu
gaur aprobatuko,
baina nik ikasteai
egin diot uko,
gezur bat pentsatu det
ta ez zait ahaztuko,
gaixo nagola esanda
ez det sufrituko.
Amari esan diot
ni gaixo nagola,
gaixo plantak eginez
hala edo nola,
sinistu in du eta
ez noa ikastola,
ama joaten denean
piztu Dragoi-Bola.