Harizko laukotea (Kaabestri), Xabier Zabala musika konpositorea eta Pirritx, Porrotx eta Mari Motots izan dituzte lagun. Musika ikuskizun aparta da ikusi dutena: pailazoen kantuez gain musika klasikoko abestiek osatzen duten kontzertua. Ikastolan ikasitako kantuekin eta prestatuko burukoekin parte hartzaile aktibo izan dira gure haurrak eta erabat txundituta ikusi dute kontzertu osoa. Biolina, biolontxeloa eta biola erraz asko bereizten dituzte orain gure haurrek.Musikak bizitzan duen garrantziaz ohartuta etorri dira gainera!