BALEAREN PROIEKTUA IKASTOLAN
Ikastolako ikasleak Balearen proiektua lantzen aritu dira azken hilabatean eta horren emaitzak larunbat honetan ospatuko den Balearen Eguna baino lehen azaleratu dituzte, baleek uretatik kanpora ateratzen direnean bezala: Pasiloetan beraiek diseinatu eta margotutako tamaina errealeko balea jarri dute, Ikastolako plazara ematen duen fatxadan antzeko bale erraldoia zintzilikatu dute, eta horrezaz gain balearen harrapaketari buruzko maketak egin dituzte, 1901ko maiatzaren 14ko egunak erreproduzituz. Eta hori guztia, nola ez, Benito Lertxundiren abesti gogoangarria kantatuz: Mila bederatzirehun ta lehenengo urtian, maiatzaren 14garren egunian...