Ostiralean da azken eguna Udal Elkarteak enpresentzat antolatutako tailer praktikoan izena emateko

Erabiltzailearen aurpegia Urola Kostako Udal Elkartea 2017ko ots. 23a, 12:51

Udal Elkarteak tailer praktikoa antolatu du martxoan, eskualdeko enpresak ISO 9001:2015 araura egokitzeko. Ostirala da azken eguna izena emateko eta tailerra martxoaren 1ean hasiko da.

Udal Elkarteak tailer praktikoa antolatu du martxoan, eskualdeko enpresak ISO 9001:2015 araura egokitzeko. Ostirala da izena emateko azken eguna, eta tailerra martxoaren 1ean hasiko da.

ISO 9001:2015 arauaren behin betiko bertsioa 2015eko irailean argitaratu zen. Horregatik, ISO 9001 arauaren aurreko bertsioetan oinarritutako kalitateko kudeaketa sistema duten enpresek aldaketak egin behar dituzte 2015eko bertsiora egokitzeko. ISO 9001:2008 arauan emandako ziurtagiri guztiak 2018ko irailaren 14ra arte balio dute, baina hortik aurrera iraungitzat joko dira.

Hori dela eta, zure enpresan oraindik ez badituzue egokitzapenak egin edota laguntza behar baduzue, eman izena Urola Kostako Udal Elkarteak antolatu duen tailer praktikoan: “EGOKITU ZURE ENPRESAREN KUDEAKETA SISTEMA ISO 9001:2015 ARAURA”.

Tailerra 2 fasetan dago banatuta: lehenengo fasea teorikoa da eta bere helburua da arauaren aldaketak eta zehaztasunak ezagutzea eta kontzeptu berriak barneratzea. Bigarren fasea, berriz, praktikoa izango da, lehen fasean landutako kontzeptuak praktikara eramango ditugulako eta enpresa bakoitzaren ekintza plana landu eta egin beharreko aldaketak egiteko laguntza emango dugulako.

Tailerra Urola Kostako Udal Elkarteko egoitzan (Urdaneta 6 -Zarautz) izango da, martxoan:

TAILERRAREN FASEAK

1. Fase teorikoa:

  • Egunak: Martxoak 1 eta 8 (asteazkena)
  • Ordutegia:  9:30-14:30

2. Fase praktikoa:

  • Egunak: Martxoaren 13tik 31ra (2 saio, enpresa bakoitzarekin adostuko dira)
  • Ordutegia: enpresa bakoitzarekin adostuko da

Urola Kostako eskualdeko enpresentzat %100 finantzatuta dago.

ARGIBIDEAK ETA IZEN-EMATEA

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!