Ikastaroak lana bilatzen laguntzeko, maiatza eta ekainean

Erabiltzailearen aurpegia Urola Kostako Udal Elkartea 2017ko mai. 3a, 18:13

Ikastaroak izango dira Udal Elkartearen egoitzan, 9:30etik 12:30era. Lana bilatzen lagunduko dizuten hainbat alderdi landu ahal izango dituzu.

Maiatza eta ekainean zehar hainbat ikastaro eskainiko ditugu, lana bilatzeko prozesuan eragina duten alderdiak eta baliabideak lantzeko. Ikastaroak izango dira Urola Kostako Udal Elkartearen egoitzan (Urdaneta bidea 6, Zarautz), 9:30etik 12:30era.

Hona hemen maiatza eta ekaineko ikastaroen xehetasunak:

AUTOMARKETINA, PREZZY BIDEZ: Plataforma hau oso egokia da informazioa modu ikusgarri, azkar eta ulerkorrean aurkezteko. Ezagutu dauden erremintak zure aurkezpena modu errazean egiteko, eta, horrela, zure gaitasunak ezagutarazteko.

  • Data: Maiatzak 9
  • Hizkuntza: gaztelania

ERAKUTSI ZURE GAITASUNAK CURRICULUMEAN: CVa egiteko modu eta aukera asko daude. Aukera horiek aztertu eta zure helburu eta perfilaren arabera egokiena dena zein den erabaki behar duzu. Ikastaro honetan lagundu egingo dituzu formaturik egokiena hautatu eta garatzen, zure CVari ahalik etekinik handiena ateratzeko.

  • Data: Maiatzak 25
  • Hizkuntza: euskara

BIDEO CURRICULUMA: ERANTSI BALIOA ZURE HAUTAGAITZARI: Pentsatu izan duzu zu ikustea edo entzutea nahi zenukeela? Bideo CVak balioa eransten dio CV arruntari, izan ere, aukera ematen dizu paperean ikusi ezin dena erakusteko. Ikastaroan bideo CVari edukia eta itxura ematen ikasiko duzu.

  • Data: Ekainak 15
  • Hizkuntza: gaztelania

CURRICULUM EREDU BERRIAK, WIX BIDEZ: Lainoan hobeto posizionatzen lagunduko dizuten curriculum eredu berriak landuko dituzu, wix euskarria erabiliz.

  • Data: Ekainak 29
  • Hizkuntza: euskara

 

Informazioa eta izen-ematea

Urola Kostako Udal Elkartea, Enplegu Zentroa

Urdaneta bidea 6, 20800 Zarautz

Tel. 943890808, lanpoltsa@urolakosta.eus

Sakatu:  Lana bilatzen laguntzeko ikastaroak

 

Ikastaro hauek eskaintzen ditu Urola Kostako Udal Elkarteko Orientazio Zerbitzuak. Enplegurako Orientazio Ekintzak eta Zerbitzuak Lanbide-Euskal Enplegu Zerbitzuak eta Europako Gizarte Funtsak elkarrekin finantzatzen dituzte, EAEko 2014-2020 EGIF Programa Operatiboaren barruan eta Gazteen Enpleguaren 2014-2020 Programa Operatiboaren barruan. «Gizarte Funtsak zure etorkizunean inbertitzen du».

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!