%2022.29.38.png)
Egurra tailatzen orduak eta orduak ematen ditu. Urteak daramatza artisautzari lotuta. Zizelkaria, margolaria, tailugilea. Denbora eta espazio bolumetriko baten diseinatzailea. Antxon Mendizabal –Orio,1969–, ezizenez Mendi, erabaki propioz da artisaua.
Egurrarekin egiten du lan Mendik. Artisautzatik abiatutako eskultura abangoardistak egiten ditu, eta bere lanak erakusgai izango ditu martxoaren 2tik 28ra Donostiako Garoa liburu-dendan. Bere bizitzaren mamia erakusten du obretan, errealitatean oinarritzen dira lanak. Arrazari eta sentimenduei lotutako formekin jokatzen du bere errealitate hori irudikatzeko. Bere errealitate horretan lekua dute Oriok, naturak, kulturak, eta beste hainbat kontuk.