Kanpineko komunen garbitzailea, Antilla Hondartzako kabinen garbitzailea eta txu-txu trenaren gidaria. Udako hiru lanpostu horietarako jendea hartuko du Orioko Udalak. Lanpostuetara aurkezteko ezinbestekoa izango da langabetua izatea eta 2015eko urtarrilaren 1a baino lehen Orion erroldatuta egotea.
Kanpineko komunak garbitzeko bi pertsonak kontratatuko ditu Udalak, kabinak garbitzeko hiru eta trena gidatzeko bi. Lan postu horietara aurkezteko epea gaur bertan zabaldu da eta martxoaren 31 bitarte egongo da irekita.