Esan zuten. Jakinaren gainean jarri ziguten: Gure Bazterrak musika festibal bat baino gehiago da. Orion antolatu zuten festibala proiektu baten alea besterik ez zela aitortu ziguten ia duela urtebete, ondo sustraitu eta adar asko izatera helduko zen hazia izatea nahi zuten.
Eta, ari dira, hazi horretatik adarrak jaiotzen. Oraingoan, bigarrena, denbora luzez lantzen ibili direna: Musika laborategia. Musika oinarrian izango du, Gure Bazterrak egitasmoak bezala; eta musika hezkuntzarekin uztartuko dute. Udako kanpamendua jarri dute martxan; musika udalekuak, alegia.
Udalekuetan 8 urtetik 14 urte bitarteko haurrak hartu dezakete parte, eta ekainaren 28an hasi eta uztailaren 5ean amaituko da. Egonaldia Getariako Askizu aterpetxean egingo dute. Izena ematen dutenek musikaz ikasi eta gozatzeko aukera izango dute.
Informazio gehiago nahi izanez gero edota inskripzio orria behar baduzue musikalaborategia@gmail.com helbidera idatzi beharko duzue. Ikasi eta gozatu dezagun musikaz gure bazter guztietan!