Behin hasi eta denak segi
Ddiotenez duela 33 urte elkartu ziren lehen aldiz Orion urte berean jaiotako neska-mutilak mahai baten bueltan urtemuga ospatzera. garai hartan 39 urte bete zituzten, eta, ordutik urtero-urtero egin dute bazkaria edo afaria. Ohitura hori beste hainbat jeneraziok ere hartu du.
Argazkia oroitzapen egokia
Kintokoak bildu eta bazkaltzen hasi aurretik oroitzapenen kutxan gordetzeko argazkia ateratzen dute gehienek. Urtero argazki bat, bilduma eder bat osatu arte. duela 33 urtetik hona, ia urtero atera omen dute argazkia 43an jaiotakoek, azken urteetan salbu. Argazki horiek guztiak ondo gordeta omen dauzka Fernando larrañagak, bazkarien antolatzaileak. Argazki horiek ikustea denbora pasa ederra da beretzat.