Espainiako Batel Txapelketa jokatu zen asteburuan Vigon. Larunbatean sailkapen estropadak egin ziren eta igandean finalak jokatu ziren. Orioko bi ontzik lortu zuten domina, emakumezko eta gizonezko kadeteek.
Emakumezko kadeteeak ziabogara Vilaxoanen pare-parean iritsi ziren. Biek denbora berdina markatu zuten, 2:20. Bueltako itzulian, azken luzean, aurrea hartu zuen Oriok, baina estua izan zen lehia. 4:44:80 denbora behar izan zuten oriotarrek ibilbidea egiteko. Vilaxoanekoek kronometroa 33 zentesimena gehiago behar izan zituzten. Hibaikak 4:46:76 denboran gelditu zuen kronometroa.
Batel orren gidaria Saioa Sayago izan zen. Patroiaren esanetara June Arrutik, Ane Arrutik, Edith Urangak eta Niobe Ferreirak egin zuten arraun. Luda Davidenko eta Arhane Azkue ziren ordezkoak. Eta gaur harrera egingo diete udaletxean, arratsaldeko 19:00etan.
