Euskararen egoera gaur. Zer diote datuek? hitzaldia eskainiko du Iñaki Iurrebaso soziologo, EHUko irakasle eta UEMAko ikerketa-teknikariak Orion. Udalak, UEMArekin elkarlanean antolatu du saioa. Otsailaren 13an izango da, asteartearekin, 19:00etan, Salatxo aretoan.
Iurrebasok doktore-tesia aurkeztu zuen 2023ko otsailean, Hizkuntza gutxituen jarraipena, ordezkapena eta indarberritzea neurtzeko demolinguistikazko tresna metodologikoak garatzen. Euskal Herrirako aplikazio praktikoa izenpean. Tesiak "hankaz gora jartzen ditu euskalgintzak eta erakundeek azken urteetan erabili dituzten diskurtso batzuk eta bide berriak proposatzen ditu". Horiek guztiak izango ditu mintzagai, hilaren 13ko saioan.