Orioko lau ontzi aurkeztu ziren Espainiako Txapelketara eta guztiek lortu zuten finalerako txartela; hori, larunbatean. Igandean ere txalotzekoa oriotarren papera, final guztietan lortu baitzuten domina. Hortaz, lau dominekin etxeratu ziren Espainiako Batel Txapelketatik oriotarrak.
Banderarik ez baina dominak bai
Camargon, Kantabrian, jokatu da Espainiako Txapelketa. Asteburu osoa hartu du lehiaketak, larunbatean hasi igandean amaitu baitzen. Larunbatean sailkapen probak izan ziren eta oriotarren lau ontziak lortu zuten finalerako txartela.
Kadete neskak, jubenil neskak, jubenil mutilak eta mutil infantilak. Jubenil mutilak bere seriea irabazita sailkatu ziren finalera. Finalean, ordea, ez zuten garaipena eskuratu eta bigarren postuarekin konformatu behar izan zuten.
Emaitza hauek lortu zituzten Espainiako Batel Txapelketako finalean:
Kadete neskak Neska Jubenilak
1 Vilaxoan 1 Kaiku
2 Astillero 2 Cabo de Cruz
3 Orio 3 Orio
Mutil Infantilak Jubenil Mutilak
1 Bermeo 1 Mecos
2 Orio 2 Orio
3 A Cabana 3 Tiran
Urrearen faltan bi zilarrezko eta bi brontzezko domina eskuratu zituzten oriotarrek. Maila guztietan lortu zuten lehen hiru postuetan sailkatzea. Emaitza onak, beraz, Orioko batelentzat.
Trainerillan, bigarren
Zarautzen jokatu zen larunbatean Gipuzkoako Trainerillen 3. jardunaldia. Oriotarrak bigarren postuan sailkatu ziren, Hondarribitik minutu eta 42 segundora. Igandean laugarren jardunaldian jokatu zen eta oriotarrak 3. postuan helmugaratu ziren, bai emakumezkoak bai seniorrak. Emakumezkoen B taldea 5. postuan sailkatu zen.
Emakumezkoak Seniorrak
1. Zumaia 1. San Juan
2. Hibaika 2. San Pedro
3. Orio 3. Orio