Ingude altxatzea, txinga eroatea, lasto altxatzea eta zaku eramatea. Lau herri kirol diziplina horietako Gipuzkoako onenen bilgunea izango da Aian astelehenean. Festetan murgilduta, ez da astelehenik izango Aian, herri kirolen festak hartuko baitu herria. 18:00etan hasita Gipuzkoako Txapelketak jokatuko dira eta hor erabakiko da nork ordezkatuko duen Gipuzkoa irailaren 19an Elizondon egingo den Zazpi Herrialdeetako Txapelketan.
Hauek dira proba bakoitzean parte hartuko duten kirolariak:
Ingude altxatzea
Oskar Aranbarri
Iker Goikoetxea
Patxi Ituarte
Mikel Agirre
18 kiloko ingudearekin ariko dira lanean minutu eta erdiko saioan.
Zaku eramatea
Oskar Aranbarri
Iker Goikoetxea
Patxi Ituarte
Ingude altxatzean arituko direnek errepikatuko dute proba honetan, Mikel Agirrek salbu. 80 kiloko zakuarekin arituko dira eta 120 metroko ibilbidea egin beharko dute.
Lasto altxatzea
Peio Argaia
Mattin de la Sotilla
Lander Otermin
Patxi Ituarte
Jose Martin Bustinza
Lurretik poleara arte 7,5 metroko distantzia dago. 45 kilo pisatzen dituen lasto fardoa altxa beharko dute bi minutuko saioan. Metro gehien egiten dituena izango da irabazlea.
Txinga eroatea
Igor Landa
Lander Otermin
Oskar Aranbarri
Iker Goikoetxea
Patxi Itruarte
Mikel Agirre
Aitor Alkain
Parte hartzaile gehien dituen proba da hori. 50 kiloko txinga bana izango dute, bakoitza esku batean.