Erromeri egun berezia

Arrakastatsua izan zen pasa den igandeko ekitaldia. Aristerrazuko erromerien inguruko disko-liburua aurkeztu zuten lehendabizi, bazkaria egin zuten ondoren eta eguna erromeriarekin biribildu zuten.

Pasa den igandean Andatzako Aristerrazuk kolore berezia zuen. Igandero bezala, erromeria izan zen iluntzean, baina triki doinuek indar berezi bat zuten. Izan ere, eguerdian, Aristerrazu Mandioko Erromeria liburua aurkeztu zen, eta, horren harira, hainbat talde igo ziren plazako oholtzara: Epelde eta Lutxurdio; Etxaniz eta Ainara; Agurtzane eta Jon Elustondo; Kristina Solano, Xabier Solano eta Jon Mari Beasain; eta, Maixa, Irati eta Izer.

Baina, horrez gain, bazkaria ere antolatu zuten frontoian. 160 lagun inguru bildu ziren mahaiaren bueltan. Jende ugari eta giro polita nabarmendu dituzte antolatzaileek.

Aurkeztu zuten disko-liburua Andatza auzoko tabernan erosi daiteke, baita liburu dendetan eta interneten, trikitixa elkartearen webgunean.

Erlazionatuak

Joxemari Iriondo: "Nik uste dut gazteak direla erromeriaren usadioari eutsi behar dietenak"

Aia

Igandean aurkeztu zuten Aristerrazu, mandioko (azken) erromeria disko-liburua. Trikitixa elkarteako Soinuaren liburutegia saileko 11. alea da, zeha...

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!