Mari Domingik aurretik Lardizabal eskolako haurrak bisitatzen ditu. Haur Hezkuntzako ikasleei egiten die bisita. Ondoren, Olentzerorekin batera etorrera egiten dute abenduaren 23an, arratsaldeko 18:00etan. Eva Tousido gurasoak azaldu digunez, abenduko azken eskola egunean ikasle zaharrenek Etxetxorainoko bidean konpainia egiten die asto-gurdiz etortzen diren Olentzero eta Mari Domingiri.
Etxetxon eskola guztia zain izango dute, kantuan. Handik plazara joaten dira eta zimitorioko eskaileretan eseritzen dira Olentzero eta Mari Domingi. Herritarren gutunak jasotzen dituzte.
Gero, txokolate-jana egiten da, guraso elkarteak antolatuta. Antolakuntza lanetan gurasoak, eskolako irakasleak, brigadako kideak eta hainbat herritar izaten dira.