Igandean denboraldiko azken erromeria egingo dute Aristerrazun, eta Izer eta Alabier trikitilariak igoko dira oholtza gainera. Andatza Erromeria Elkarteko kideek jakinarazi dute Euskal Telebistak grabatuko duela saioa Oholtzan programarako.
Bestalde, aurtengo erromeria denboraldiak «arrakasta handia» izan duela ere nabarmendu dute. «Betiko erromeria zaleez gain, jende berria ere bildu da Andatza auzoan, erromeriarekin eta festarekin gozatzeko eta gure ohiturak indartzeko gogoz». Denera 28 erromeria antolatu ditu Andatza Erromeria Elkarteak. Erromeriak antolatzen lagundu duten eragile eta herritarrei eskerrak eman dizkiete: parte hartzaileei, trikitilariei, prentsari eta irratiari, Aiako Udalari eta Aristerrazu Jatetxeari.
Euskal Telebistak grabatuko du igandeko erromeria Oholtzan saiorako.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!