Urriaren 7an Giltzaiturri kobazulo karstikoa bisitatzeko espeleologia saioa antolatu du Iturraran parketxeak. Pagoeta mendiaren barruan dauden galeria, pasabide, estalaktita eta estalagmitak ezagutzeko aukera izango dute parte-hartzaileek, Felix Ugarte Espeleologia Elkarteko adituen eskutik.
Irteera urriaren 7an egingo dute, 10:00etatik 13:00etara. 16 urtetik gorakoei zuzendua dago eta zailtasun gutxiko irteera izango da. Prezioa 20 eurokoa izango da eta plazak mugatuak dira. Informazio gehiago eskatu edo izena-eman nahi duenak 943 83 53 89 telefono zenbakian edo iturraran@gipuzkoamendizmendi.net helbide elektronikoan egin dezake.