Bi minutuko aldearekin irabazi du Walther Becerra sestaoarrak Aiako VII. Mendi lasterketa, gizonezkoen mailan. Ordubete eta zazpi minutuan osatu du proba, eta bere atzetik, bigarren postuan, Ruben Ruzafa aizarnazabaldarra helmugaratu da. Podiumeko hirugarren postuan, aldiz, Joseba Diaz azkoitiarra geratu da; ordubete eta hamar minutuko markarekin.
Emakumezkoetan, berriz, Oihana Azkorbebeitia abadiñoarra izan da nagusi. Ordubete eta 20 minututan amaitu du lasterketa, eta 5 minutuko aldea atera dio bigarrenari, Vanessa Pelaez andoaindarrari. Alizia Olazabalek osatu du podiuma, ordubete eta hogeita zortzi minutuko markarekin.
Hodei Alkorta izan da Aiako lasterkarien artean lehena. Zortzigarren postua lortu du, eta ordubete eta hemezortzi minutu behar izan ditu helmugara iristeko. Sailkapen osoa ikusgai dago jada, kirolprobak.com webgunean.