Ekainaren erdialdean zabaldu ohi dituzte urtero Aiako udal igerilekuak. Aurten, ordea, aurreratu egin dute irekiera. Datorren astean zabalduko dituzte, eta irailaren 2ra bitartean izango dira zabalik. 11:00etatik 20:00etara bitartean erabili daitezke igerilekuak, eta hemezortzi urte bitartekoek lau euro ordainduko dute; gainontzekoek, berriz, bost eurotan izango dute sarrera. Era berean, 17:00etatik aurrera joaten diren guztiek bi euroren truke sartu ahal izango dute.
Udalak igerilekua zabalik dagoen bitartean erabili daitezkeen bonoak jarri ditu. Herrian erroldatuta ez dauden 18 urte bitartekoek 20 eurotan izango dute hilabeteko bonoa; hemezortzi urtetik gorakoek, berriz, 40 euro ordainduko dute.
Bestetik, bono familiarrak ere eskuratu ahal izango dira. Bi kideko familien kasuetan %20koa izango da deskontua, eta hiru kidetik gorako familietan, aldiz, %25a deskontatuko dute. Igerilekuaz gain, taberna zerbitzua ere jarriko dute egunero, goizeko 11:00etatik aurrera.
Egunero izango dira zabalik, goizeko 11:00etatik 20:00etara, irailaren 2ra arte. Uda osorako bonoak eta familientzako bono bereziak jarri dituzte. Igerilekuarekin batera, taberna zerbitzua eskainiko dute.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!