KGaur jokatu da Aiako Mendi Lasterketaren VIII. Edizioa, 350 partaide ingururekin. Plazan eman zaio hasiera 10:30ean eta ia hiru orduko lasterketa izan da.
Lasterketako garailea Oier Ariznabarreta izan da, ordu eta lau minutuko denborarekin orain arteko marka guztiak hautsi ditu. Atzetik, Julen Larruzea iritsi da, irabazlearengandik minutu batera. Hirugarrena, podiuma osatuz, Alain Santanaria izan da, ordu eta zazpi minutuko denborarekin.
Emakumezkoetan berriz, Natalia Gomezek eraman du txapela ordu eta hamalau minutuko denborarekin. Atzetik jarraitu dio Oihana Azkorbebeitia iazko irabazleak, bost minutura. Hirugarrena iristen Garbiñe Zapirain izan da, irabazlearengandik hamabi minutura.
Aiarrak eta Oriotarrak ere izan dira gaurkoan, Hodei Alkorta izan da ordu eta hamairu minutuko denborarekin iritsi den lehen gizonezko aiarra. Emakumezkoetan, berriz, Miriam Sarasola izan da lehenengoa lasterketa amaitzen, ordu eta berrogeita hamabiko denborarekin. Oriotarren kasuan, berriz, lehenengo gizonezkoa Ibai Makazaga izan da, ordu eta zortzi minutuan iritsi da, sailkapen orokorrean laugarren. Emakumezkoetan, Sonia Alonso izan da lehena, ordu eta berrogeita bateko denborarekin.