Atzo Asentzio Azoka ospatu zen Aian, eta horren baitan harri-jasotze txapelketa jokatu zen arratsaldean. Harri-jasotzaileek bikoteka parte hartu zuten txapelketan, eta 154 kiloko eta 113 kiloko bi harri baldar jaso behar izan zituzten. Bikoteko kide bakoitzak harri bana jaso zuen, eta Jokin Eizmendik eta Jexux Mari Iruretagoeina Izeta III.nak irabazi zuten txapelketa. Bestetik, Udane eta Jakes harri-jasotzaile gazteek erakustaldia eman zuten.
Txapelketa amaitu zenean, erromeria izan zen Izer eta Alabiarrekin Aiako dema plazan
Hurrengoak dira txapelketako emaitzak
Lehen bikotea
Jokin Eizmendi 154 kiloko harriari 10 jasoaldi
Jexus Mari Iruretagoiena Izeta III 113 kiloko harriari 20 jasoaldi.
3800 kilo jaso zituzten bien artean
Bigarren bikotea
Imanol Illarramendi “Kortaberri” 154 kiloko harriari 8 jasoaldi
Odei Iruretagoiena 113 kiloko harriari 21 jasoaldi (nulo bat)
3605 kilo jaso zituzten bien artean
Hirugarren bikotea
Aimar Galarraga 154 kiloko harriari 7 jasoaldi
Inigo Izagirre 113 kiloko harriari 22 jasoaldi
3564 kilo jaso zituzten bien artean