Urtero bezala, Orioko traineruak aurkeztu dituzte gaur arratsaldean herriko plazan. Aurten lehian jardungo diren hiru ontziak aurkeztu dituzte jendaurrean. Senior emakumezkoak Euskotren ligan jardungo dira, gizonezkoen A ontziak Eusko Labelen lehiatuko du eta gizonezkoen B ontziak KAE-2 ligan.
Arraunlariak traineruen denboraldiaurrearen azken txanpan murgilduta, lehenengo estropadak jokatzen hasiko dira aste honetan KAE-1, ETE eta KAE-2 ligetan; 22an Eusko Label Liga hasiko da, eta 29an, Euskotren Liga.