Herri kirolek eta jai giroak hartu dute Santio Erreka

Karkara 2019ko uzt. 25a, 13:32

Atzo hasi ziren Santio Errekako festak, eta gaur goizean goiz ekin diete ospakizun jarduerei. Eguerdian herri kirolek hartu dute auzoa; Ostolazaren eskolako kideak, 'Arria V.'a, Zaldua eta auzoko zenbait gazte arituko dira gaurkoan.

12:30ean hasi dira herri kirolak Santio Errekan. Ostolaza eskolakoak izan dira aurrenekoak; Imanol Kortaberri eta Gorka Etxeberria aritu dira harri-jasotzen, eta gero, Naiara Zumetak, Xuban Illarramendik eta Udane Ostolazak jaso dute lekukoa.

Jarraian, pentatloia egin dute Xabier Orbegozo Arria V.ak eta Xabier Zalduak. Hala, harri-jasotzen, gizon proban, enborrak mozten, txingekin zein korrika aritu dira bi kirolariak. Bestalde, auzoko gazteak ere lehiatuko dira gaurkoan; trontzan jokatuko dute.

Hemen Santio Errekako jaietako egitaraua ikusgai.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!