Aiako Gazte Eguneko kontzertuen ordutegia aldatu dute

(En Tol Sarmiento)

Larunbat honetan ospatuko dute Gazte Eguna Aian, eta antolatzaileek jakinarazi dute kontzertuak lehenago hasiko direla.

Datorren larunbatean, abuztuak 3, Gazte Eguna ospatuko dute Aian. Egun osoko egitaraua prestatu du bertako gazte asanbladak; ume handientzako jolasak izango dira goizean, paella lehiaketa eguerdian, eta Elektrotxuflaren emanaldia bazkalostean.

Kontzertuak ere antolatu dituzte gauerako, baina antolatzaileek jakinarazi dute aldaketak izango direla ordutegian. Hasiera batean 23:00etan hastea aurreikusi bazuten ere, ordubete lehenago hasiko dira azkenean, 22:00etan. En Tol Sarmiento, Kaotiko eta Modus Operandi taldeak ariko dira larunbatean, Aiako plazan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!