Laurgaingo San Miel Jaiak ospatuko dira irailaren 28tik 29ra

Adin guztietako auzotarrentzat osatu dute aurtengo egitaraua, umeentzat jolasekin emango diote hasiera festari eta Herri kirol erakustaldiarekin amaituko dute.

Aiako Laurgain Auzoko San Miel Jaiak ospatuko dira irailaren 28tik 29ra bitartean. Lehiaketak, afari herrikoia eta erromeria antolatu dituzte, besteak beste, jaietarako.

Irailak 28, larunbata

16:30 Ume jolasak eta txokolatada

17:30 Tortilla patata lehiaketa (eguraldi txarra balitz haur jolasak eta tortilla lehiaketa bertan behera geldituko dira)

21:00 Auzo afari Herrikoia, Atseden toki Elkartean. 27€ren truke. (Menua: tomate entsalada, urdaiazpiko tortilla, txuleta entsaladarekin, gazta eta menbrilloa. Kafea eta kopa).

Afal ostean, Laja eta Lutxurdio trikitilarien eskutik, erromeria goizaldera arte.

Irailak 29, igandea

10:30 San Miel meza

Jarraian, hamaiketakoa eta ase ondoren Herri kirol erakustaldia.

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!