Aiako Udal ekipamendu guztiak itxiko dituzte bihartik aurrera

Karkara 2020ko mar. 12a, 16:23

Eusko Jaurlarlaritzaren gomendioak jarraituz, Aiako Udalean neurriak hartu dituzte koronabirusaren hedapena murriztearren. Martxoaren 21ean egitekoa zen Aiako Igoera automobilismo proba ere atzeratu dute.

Aiako Udalak jakitera eman duenez, bihartik aurrera Udal ekipamendu guztiak itxiko dituzte: Goiz-Argi, Gaztelekua, Kultur Etxea, Ludoteka, ikastaro guztiak... Neurria, oraingoz, martxoaren 30a bitartean egongo da indarrean.

"Herritarrei gomendioak jarraitzea eskatzen diegu, koronabirusaren zabalkuntza ahalik eta gehien murrizteko", adierazi dute udaletik.

Bestalde, Euskadiko Automobilismo Federazioak adierazi du martxoko proba guztiak atzeratu egingo dituela, tartean, hilaren 21erako antolatutako Aiako XIII. Igoera.

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!