Udaleku irekietako begiraleak kontratatzeko deialdia egin du Aiako Udalak

Aiako Udalak hilabeteko kontratua egingo die begiraleei, uztailaren 1etik 30era bitartekoa, eguneko lau orduko lanaldian.

Aiako Udalak udaleku irekiak antolatuko ditu uztailerako, eta udalekuetan begira lanetan aritzeko deialdia zabaldu du. Bertan izena eman nahi dutenek hurrengo baldintzak bete behar dituzte ezinbestean: alde batetik, 18 urtetik gora izan behar dituzte edo 2020an bete, eta gutxienez 1. mailako euskara hizkuntza eskakizuna izan behar dute.

Bestalde, kontuan hartuko dute homologatutako begirale titulua izatea, hezkuntzarekin zerikusia duen ikasketak izatea, lan esperientzia edo Aiako Udalak sustatutako kirol eta aisialdi jardueretan begirale lanetan aritu izana. Nahi duenak eskuragarri du informazio zehaztua Aiako Udalaren webgunean.

Aukeratuak diren begiraleei adin txikikoekin lan egiteko aurrekari penalik ez dutela frogatzen duen ziurtagiria eska diezaieke udalak.

Aiako Udalak hilabeteko kontratua egingo die begiraleei, uztailaren 1etik 30era bitartekoa, eguneko lau orduko lanaldian.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!