Bertso jaialdia izango da ostiral honetan Aiako probalekuan

Aiako abuztuko kultur ekitaldien barruan, bertso jaialdia egingo dute ostiral honetan probalekuan. Andoni Egaña, Maialen Lujanbio, Amets Arzallus, Aitor Mendiluze, Iker Zubledia eta Agin Laburu ariko dira bertsotan, eta Amaia Agirre gai jartzaile lanetan. Saioa 22:30ean hasiko da eta sarrerak aurretik erreserbatu behar dira udalean (harrera@aia.eus / 943-13 11 44).

Ezinbestekoa izango da sarrerak eskatzen dituen pertsona herrian erroldatuta egotea, eta 18 urtetik gora edukitzea. Gehienez hiru sarrera erosi ahalko dira, bakoitza bi euroan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!