Xabi Solano Maiza eta Kimu Dantza Kolektiboaren emanaldia izango da Aian

Karkara 2021ko api. 22a, 09:19

Maiatzaren 1erako programatu dute ikuskizuna Aiako probalekuan, eta 19:00etatik aurrera izango da. Gaur jarriko dituzte sarrerak salgai kultur etxean eta Interneten.

Xabi Solano Maizak eta Kimua Dantza Kolektiboak ikuskizuna egingo dute Aiako probalekuan, maiatzaren 1ean, larunbatarekin. Solanok Bi izena duen estudioko azken lana aurkeztuko du: disko batean gustuko dituen kantuen bertsioak egin ditu, eta bestea hamahiru kantu berrik osatzen dute. Kimu taldekoek emanaldia borobilduko dute, haien dantzekin. 

Ikuskizunerako txartelek 20 euroko prezioa izango dute, eta gaur jarriko dituzte salgai kultur etxean, 17:00etatik aurrera. Bestalde, Musikazeren webean ere erosteko aukera izango da.

 

 

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!