Herri kiroletako Gipuzkoa mailako lehiak izango dira Aian hilaren 10ean

Aiako probalekuan izango dira Gipuzkoako lokotx biltze nahiz ingude altxatze txapelketak, baita emakumezkoen Lau Arroa harri-jasotze txapelketaren aurreneko edizioa ere.

Abuztuaren 10ean herri kirolek hartuko dute Aiako probalekua, Gipuzkoa mailako hiru txapelketa jokatuko baitituzte han. 18:00etan hasita, ingude altxatze txapelketa eta lokotx biltze txapelketa izango dira, eta horretaz gain, aurrenekoz jokatuko dute emakumezkoen Lau Arroa harri-jasotze txapelketa.

Udane Ostolazak, Aroa Sanchezek, Naiara Zumetak eta Ane Zinkunegik hartuko dute parte Lau Arroa izeneko lehian. Joseba Ostolaza Harri Eskolakoak dira laurak. Lokotx biltzean, aldiz, Iñaki Alzaga, Gotzon Iruretagoiena, Jon Larrañaga, Xabier Melendo eta Mikel Osoro arituko dira. Ingude altxatzeari dagokionez, Gorka Emazabelek, Unai Goitiak, Joseba Pagadizabalek eta Josu Urbietak neurtuko dituzte indarrak.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!