Aiako probalekuak Gipuzkoako herri kirolen txapelketa hartuko du gaur

Maria Maya Manterola 2021ko abu. 10a, 11:19

San Lorentzo Egunez, Gipuzkoa mailako herri kirol txapelketa izango da Aiako probalekuan, 18.00etan hasita. Emakumezkoen Lau Arroa harri-jasotze txapelketa jokatuko dute, estreinakoz.

Gipuzkoa mailako hiru txapelketa jokatuko dituzte gaur, San Lorentzo Egunez, Aiako probalekuan. Lokotx biltze eta ingude altxatze txapelketez gain, emakumezkoen Lau Arroa harri-jasotze txapelketa ere izango da jokoan lehenbizikoz. 

Joseba Ostolaza Harri Eskolako Udane Ostolazak, Aroa Sanchezek, Naiara Zumetak eta Ane Zinkunegik hartuko dute parte harri-jasotzen. Iñaki Alzaga, Gotzon Iruretagoiena, Jon Larrañaga, Xabier Melendo eta Mikel Osoro arituko dira lokotx-biltzen, eta ingude altxatzeari dagokionez, Gorka Emazabelek, Unai Goitiak, Joseba Pagadizabalek eta Josu Urbietak neurtuko dituzte indarrak.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!