Emakume bat arin zauritu da Aiako Arratola auzoan gertatutako auto istripuan

Autoa bere kabuz atera da errepidetik, eta horma baten kontra egin du talka. Donostiako ospitalera eraman dute arin zauritu den gidaria.

Ertzaintzak baieztatutakoaren arabera, auto istripu arina izan da gaur eguerdian, 13:30ak aldera, Aiako Arratola auzoan. Dirudienez, autoa gidatzen zihoan emakumea zorabiatu egin da, eta horma baten aurka talka egin du errepidetik atera ondoren. 

Larrialdi zerbitzuek Donostiako ospitalera eraman dute zauritua, baina Ertzaintzaren arabera, arin zauritu da. Garabiak 14:30ean eraman du autoa istripuaren lekutik, eta errepidea zabaldu dute dagoeneko. 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!