Bertan bizi diren bi hegazti harrapari gertutik ezagutzeko aukera eskainiko du Iturraran Parketxeak bihar. Izan ere, Igeldoko Arrano Etxean sendatutako bi zapelatz eta urubi bat askatuko dituzte Gipuzkoako Foru Aldundiko basozainen eskutik.
Askatu aurretik, aipatu hegaztien bizitzari buruzko azalpenak eta Igeldoko Arrano Etxeko kideek nahiz basozainek egiten duten lanaren inguruko xehetasunak emango dizkiete bisitariei. Jarduera 20:30ean izango da, eta 45 minutu inguruko iraungo du.
Saioak parte-hartze kopuru mugatua izango du eta ezinbestekoa izango da aurrez izena ematea. Horretarako, Iturraran Parketxearekin harremanetan jar daiteke 943-83 53 89 telefono zenbakira deituta edo iturraran@gipuzkoanatura.eus helbidera idatzita.
Lurrean eserita jarraituko beharko da saioa, beraz, gainean esertzeko zerbait eramatea gomendatzen dute antolatzaileek. Era berean, maskara jarrita eduki beharko da eta segurtasun-distantzia mantendu. Adin guztientzako herritarrei zuzendua dago, eta izen-emateak 3 euro balio du pertsonako.