Festak iristeko irrikitan daude egunotan aiarrak. Horren erakusle da herriko sarrerako biribilgunean ipinita duten atzera-kontaketa kartela; bertan ikus daiteke zenbat egun falta diren Gazte Egunerako. San Donato eta San Lorentzo jaietarako motorrak berotzen hasteko, pala txapelketa herrikoiko finalak jokatu zituzten atzo, festetako egitarauaren barruan.
Hainbat kategoriatako finalak jokatu zituzten, denera, sei partida. Jokalarien senitartekoz eta lagunez bete zen Aiako pilotalekua, eta gogotsu animatu zituzten guztiak ere.
10 urte bitarteko kategorian, Urtzi eta Adur izan ziren garaile; 13 urte bitarteko nesken kategorian, Intza eta Sara; 11-15 urte bitarteko mutiletan, Kimetzek eta Ekik irabazi zuten; emakume nagusietan Ainitzek eta Olaiak; binakako nagusian Dani eta Xabi atera ziren garaile; eta banakako nagusian, Aimar.
Argazkiak: Utzitakoak eta Amaia Urbieta Arruti