Zapalkuntzaren kateetatik askatzeko emakume langileok borrokara! hitzaldi zikloa abiatuko du ostiral arratsalde honetan Urola Kostako Itaiak. Hiru saio prestatu dituzte orotara, eta Zarautzen egingo dute lehenengoa. Ondoren, Zumaian eta Aian egingo dituzte. Datorren astean izango dira horiek, hilaren 10ean eta 11n, hurrenez hurren.
Zikloari hasiera emateko, Bizi baldintzen okertzea hitzaldia eskainiko dute, ostiralean, 18:30ean, Zarauzko gaztetxean. Gainera, saioa amaitzen denean, ekintza gehiago egingo dituztela ere jakinarazi dute: poteo girotua eta futbolin txapelketa, hain zuzen ere.
Datorren asteko hitzaldien hainbat xehetasun ere eman dituzte: Hamaika erronka izenburua jarri diote Zumaiakoa, eta hilaren 10ean izango da, ostiralean, 18:00etan, Oxford aretoan. Aiakoa, berriz, hilaren 11n izango da, larunbatean, eta Antolatzeko beharra izendatu dute. Aiako saioa, eguerdian izango da, 12:00etan hasita, kultur etxean.