Inauterietarako egitarau oparoa antolatu du Aiak

Andrea Zipitria 2023ko ots. 12a, 14:00
Eskolako haurren inauterietako emanaldia.

Datorren ostiralean, Lardizabal eskolako haurrek inauterietako ekitaldia egingo dute eta ondoren, txokolatada eta disko-festa izango dira probalekuan. Gaualdera, berriz, Zumai txarangak herriko kaleak girotzen ibiliko da, tabernetan pintxo potea egiten duten bitartean.

Datorren ostiralean, Inauteriak ospatzeko asmoz, hainbat ekitaldi izango dira arratsalde-iluntze aldera Aian. Eskolako haurren urteroko ekitaldiaz gain, berrikuntza gisa, 16:00etatik aurrera, txokolatada eta disko-festa izango dira probalekuan. Guraso Elkarteak antolatu ditu ekintzok, eta aurreratu dutenez, opari zozketa ere egingo da eskolako haurren artean.

Beranduxeago, 19:00 inguruan, herriko plazan elkartuko dira, eta pintxo potea hasi aurretik, opariak zozketatuko dituzte. Kasu honetan, heldu eta gaztetxoen artean. 19:30etik 21:30era, berriz, pintxo potean ibili dira herritarrak, Zumai txarangak lagunduta. 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!