Aiako EH Bilduk bertan behera utzi du gaur Andatzan egitekoa zen auzo bilera

Aiora LarraƱaga Solaberrieta 2023ko mai. 18a, 12:42
Orion atzo arratsaldean egindako elkarretaratze jendetsua. (Jabi Gonzalez Toston)

Orioko erailketa matxista gaitzesteko, bihar Aian egingo den elkarretaratzean parte hartzera deitu ditu herritarrak Aiako EH Bilduk.

"Kezka eta ardura" adierazi du Aiako EH Bilduk Orion asteartean izandako erailketa matxistagatik, eta hauteskunde kanpainan egonda ere, "ezinbestekoa" iruditzen zaie "indarkeria matxistaren aurkako salaketara batzea".

Horregatik, Emakumeen Mundu Martxaren protokoloari jarraituz, gaur arratsalderako deituta zuten Andatzako auzo bilera bertan behera utzi dute. Era berean, erailketa matxista gaitzesteko herriz herri antolatutako deialdietan parte hartzeko deia egin du koalizioak. Aian bihar 19:00 izango da hitzordua, eta bertara deitu dituzte herritarrak. 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!