Atzo jokatu zen Aiako frontoian Gipuzkoako Harri Txikien txapelketa. Bederatzi harri-jasotzailek hartu zuten parte: Claudiu Bazga, Imanol Royo, Iraitz Arruti, Gari Garmendia, Hodei Iruretagoiena, Xabat Olaizola, Beñat Telleria, Paulo Azpiazu eta Mikel Lopetegi Urra. Horiek hiru harri jaso behar izan zituzten –kopa, kubikoa eta bola–.
Jasoaldietan kilo gehien jaso zituenak irabazi zuen; Urrak, alegia. Zarauztarrak 36 aldiz jaso zuen kopa, kubikoa 24 aldiz eta bola 31 bider. Bigarren postuan amaitu zuen proba Paulo Azpiazuk. Honek 32 jasoaldi egin zituen koparekin, 21 eta 34 aldiz altxatu zituen, kubikoa eta bola, hurrenez hurren. Beñat Telleriak podiumeko hirugarren postua eskuratu zuen, 34 (kopa), 20 (kubikoa) eta 32 (bola).
Argazkiak: Gipuzkoako Herri Kirol Federazioa