Uztailaren 22an eta 29an, abuztuaren 4,11,18 eta 25ean eta irailaren 2an erleen mundu sakonago ezagutzeko aukera izango da Iturraran Parketxean jolas baten bidez. Galdutako Erlearen Bila orientazio jolasa da eta parte hartzen dutenak, talde txikitan banatuta, mapa baten laguntzarekin, lorategi botanikoan barrena ibiliko dira lorez lore erleei buruz ikasten. Ibilbidea erlategian bukatuko da, eta bertan erlezainak erlauntza bat irekiko du erleek beraien aberasketan egiten duten lana ikusi eta ezagutzeko.
Iturraran Parketxetik gogorarazi dute erleak "behar beharrezkoak" direla ekosistemetan, eta, hain zuzen ere, jolasaren helburua da parte-hartzaileek zertxobait gehiago ikastean erleez, eta ingurunea zaintzearen garrantziaz kontzientziatzea.
Informazio gehiago jaso eta izena eman nahi dutenek 943 83 53 89 zenbakira deitu edo iturraran@gipuzkoanatura.eus helbidera idatzi behar dute.