Karkarak 25 urte

25 urte, pauso asko

1989an plazaratu zen Karkararen lehen alea. Mende laurdena egingo du datozen sanpedroetan, hortaz, data horietan ospatuko du 25. urteurrena

Urteurrena ospatzeko hainbat ekitaldi antolatu ditugu Karkara iristen den bi herrietan: Orion eta Aian. Ekainaren 25ean hasiko ditugu ospakizunak eta sanpedroekin batera amaituko ditugu.

Ekainak 25 · Asteazkena · Aia
20:00 Iñaki Perurenaren Harri eta herri hitzaldia kultur etxean

Ekainak 27 · Ostirala · Aia
16:30 Plazako lurra koloreztatu haurrentzat
        Merienda herriko plazan
20:00 Arramazka taldearen emanaldia plazan

Ekainak 28 · Larunbata · Orio
11:00 Bikoteko lasterketa, haurrak
11:30 Bikoteko lasterketa, helduak
14:00 Euskalzaleen herri bazkaria

Bikotekako lasterketan parte hartzeko izena Kultur Etxean edo Itziar Kirolak dendan eman daiteke 5 euroren truke. Dena den, egunean bertan ere eman daiteke izena. Ibilbide luzeak lau kilometro ditu eta motzak, haurrentzako denak, 2,4 kilometro. Haur txikiak nahi duten lekuan sartu daitezke lasterka egitera. Ibilbide guztien irteera eta helmuga berdina da, herriko plaza.

Euskalzaleen bazkaria ere herriko plazan izango da. Honen prezioa 12 eurokoa da eta txartelak Orioko eta Aiako Kultur Etxeetan edo Lore Burdindegian erosi daitezke.

Kale estu batetik abiatu ginen, Karkara batetik, eta egun etorbide batean gaude. Pauso asko eman ditugu, elkarrekin, baina oraindik asko ditugu emateke. Orain arte emandakoak ospatuko ditugu datozen astean, hortaz, animatu eta gehitu festara.

Erlazionatuak

Aian hasi da Karkararen urteurren ospakizuna

Aia

Aiako plaza herriko txikienek margotu zuten. Ondoren, merienda banatu zen guztientzat eta iluntzean Arramazka taldearen musikak Aiako plaza dantzan...
Haur, gazte eta helduentzat plana Aian

Aia

Karkararen 25. urtemuga ospatzeko arratsaldeko lehen ordutik iluntzera bitarteko plana antolatu dugu Aiako kaskoan
Harria ardatz duen hitzaldia emango du Iñaki Perurenak gaur

Aia

Harri eta herri. Gabriel Aresti olerkariak 1964an argitaratu zuen poesia liburuaren titulua. Baita, gaur, arratsaldeko 20:00etan, Iñaki Perurenak A...
Gaur amaituko da bazkari txartelak erosteko epea

Orio

Urtemuga dela eta, sanpedroetan, ekainaren 28an, herri bazkaria antolatu du Karkarak. Bazkarirako txartelak Lore burdindegian eta Orioko Kultur Etx...
Nahi duzuen guztia idazteko aukera KARKARA.com berrian

Aia Orio

Zuzenean zuen irudiak edo testuak igotzeko aukera izango duzue webgune berrian. Bilera irekiak egingo dira astean zehar nola egin azaltzeko
KARKARA.COM berriaren aurkezpena egingo dugu maiatzaren 27an

Aia Orio 2

Astelehenean eta asteartean, aurkezpeneko ordura arte, webgune hau itxita egongo da

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!