1
Bat, bi, hiru bertso xume
datorrena(re)n begirune.
Iraila da, aipa nitzake
Hernio eta Gazume;
baina, giza krisi gune,
hantxe gizon eta ume,
kabitu ezina azaldu nahian
ai zenbat hutsune!
2
Abarka sokak lotzea
gailurrera igotzea.
ohitura za(ha)rra eta beharra,
goiza-iluntzea.
Hesi itxien atzea,
duintasuna galtzea
zer desberdina tontor bakoitzak
duen gurutzea.
3
agintarien fedea,
ez denez denon legea.
Eskuzabalen famakoa zen,
euskaldun jendea.
Eskubidea, ordea,
bada ganbaran gordea.
ondorioan geldituko da,
Euskadi berdea.