Minbiziaren eta fibrosi kistikoaren tratamenduetan aurrera egiteko dirua biltzeko asmoarekin Revuelcate 2017 ekimena abiatu zuten pasa den ostegunean 21:00etan, Hendaian. Helburua 100 kiloko gurpil handi bat bueltak emanez Santiago de Compostelara eramatea da. Asteburuan lehen kilometroak egin zituen Euskal Herrian barrena eta Joseba Ostolazaren Harri Eskolako kideek eta hainbat herritarrek Donostiako Ondarreta auzotik Orioko Bentara eraman zuten gurpila txandaka, ostiralean.
Gurpilari eman dioten buelta bakoitzeko euro bat jasoko du ekimenak, eta bildutako guztia minbiziaren eta esklerosi anizkoitzaren aurkako borrokara bideratuko dute antolatzaileek.