Aiak eta Oriok tartea izango dute udazkeneko zinema jaialdietan

Karkara 2017ko ira. 7a, 18:02
'Errementari' filmako irudia. (Igor GarcĂ­a eta Ape Larrea)

Donostiako Zinemaldian euskal baleazaleen historian oinarritutako Elkarrekin-Together filma estreinatuko dute, eta Sitgeseko Zinema Fantastikoaren Nazioarteko Jaialdian Aiako Agorregi burdinolan grabatu zuten Errementari filma.

Irailaren 22tik 30era bitartean egingo den Donostiako Zinemaldiko Zinemira sailean aurkeztuko dute Elkarrekin-Together filma, eta ikus-entzunezko lan horrek badu Oriorekin zerikusirik. Izan ere, pelikulak euskal arkeologo talde batek AEBetako uharte batera eginiko espedizioa azaltzen du; euskal balea-arrantzaleen eta bertako herritarren arteko elkargunea izan zen eremua ikertuko dute zientzialariek. XVI. mendean Ternuara baleak arrantzatzera joan ziren Orioko bi arrantzaleren testamentuekin lotura du filmak.

Bestalde, Sitgeseko Zinema Fantastikoaren Nazioarteko Jaialdiko Sail Ofizialean estreinatuko dute Aiako Agorregi burdinolan grabatu zuten Errementari filma. Paul Urkijoren lehen film luzeak Jose Migel Barandiaran antropologoak XX. mendearen hasieran idatzitako Patxi Errementaria ipuin mitologikoa du oinarrian.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!