Udaleku ezberdin batzuk aurkezten dituzte elkarlanean Nik tri eta #Izanezberdin ekimenek. Urtetik urtera errepikatzen dute formula bera, eta bere etekinak ematen ari da. Gero eta gazte gehiagok ematen du izena triatloi udalekuetan. Aurten ere 140 plaza ireki dituzte. Gipuzkoan, esaterako, Orioko Txurruka aterpetxeak hartuko du triatloi udalekuen VIII. edizioa, irailaren 2an. 80 haurrentzat dago lekua.
Astebeteko egonaldia lagunartean kirolaz eta aisialdiaz gozatzeko euskaraz, paregabeko ingurunean. Jolasen bitartez kirol jarduera ezberdinak egingo dira, triatloia osatzen duten hiru kirolak izanik gehien landuko direnak: igeriketa, bizikleta eta korrika. Arratsaldetan, aldiz, aisialdirako unea izango da eta txangoak eta ekintzak burutuko ditugu tokian tokiko ingurunean: hondartza, igerilekuko jolasak…
Gaztetxoen Aia-Orio triatloia aldiz, irailaren 7an egingo da. 7 urtetik gorako edonork har dezake parte proba horretan.
Udalekuen helburu nagusia lagunartea sortzea eta balioen transmisio-tresna izatea da, elkartasuna eta laguntasuna, izaera aktiboa eta positiboa, ahalegina, diziplina eta norbere burua hobetzeko grina, elkarlana, konpromisoa eta gizarte inklusioa, ohitura osasungarriak, besteak beste.
Informazio gehiago: info@niktri.eus helbidean edo 943.83 3641 / 628.643069 telefonoetan. Izen-ematea: www.niktri.eus helbidean.