2018-2019 ikasturtean Zumaiako Soldadura Zentroan Oinarrizko Lanbide Heziketako ikasketak egiteko aurre izen emate epea ireki du jada Urola Kostako Udal Elkarteak. Ekainaren 15a bitarte, interesa duten pertsonak zentrora deitu eta instalazioak ikusteko eta argibideak jasotzeko hitzordua eska dezakete.
Soldaduran, fabrikazioan eta muntaketan espezializatutako ikasketak egin ahal izango dituzte ikasleek. DBH gainditu ez duten gazteei zuzendu diete izena emateko deialdia, eta ekainaren erdialdera arte Soldadura Zentroan bertan izena eman dezaketela jakinarazi 9:00etatik 13:00etara.
Programaren helburua soldadurako ofizio edo lanbidearen oinarrizko ezagutzen jabe izatea da, ikasketa praktikoen bitartez. Bestetik, ikasketei jarraipena emateko aukera eman nahi diete gazteei.
Bi ikasturteko ikasketak dira eta landuko dituzte, batetik, soldadura, fabrikazioa eta muntaketaren inguruko gai teorikoak eta praktikoak eta, bestetik, oinarrizko ikasgaia. Bigarren ikasturtean, gainera, ikasleek praktikak egiten dituztela azaldu dute; bailarako lantegietan edo bailarako udalentzat.