Gipuzkoako pinudiek gorri kolorea hartu dute, 'Lecanosticta acicola' onddoak jota. Izan ere, gaitzak pinuen hostoak lehortzen ditu, eta pinuak hil ere egin daitezke horren eraginez. Gipuzkoako Basozainen Elkarte Profesionaletik azaldu dutenez, pinu beltzari (pinus radiata) eta haren familiako pinuei eragiten die gaitzak, eta Aiako eta Orioko pinudiak ere kutsatuta daude. "Pagoeta Natur Parkean berriz, pinu beltz gutxi dagoenez eta dauden horiek elkarrengandik oso sakabanatuta daudenez, onddoak ez du arazo larririk sortu bertako ekosisteman", azaldu dute.
Dena dela, Gipuzkoako Basozainen Elkarte Profesionaletik nabarmendu dute Gipuzkoako zuhaitzen %40a baino gehiago pinu beltzak direla. "Kostaldeko pinudietan sortu zen gaitza, eta pixkanaka barrualdera zabalduz joan da. Gaitzak pinudien jabeei galera ekonomiko larriak sortzeaz gain, ingurumen arazoa ere bihurtu daiteke lurraldean. Izan ere, onddoak pinuak lehortu egiten ditu, eta suteren bat egongo balitz goitik behera erreko lirateke zuhaitz horiek, suteek indarra hartzeko arriskua areagotuz. Orain arte ez dugu horrelakorik bizi gure basoetan".