Asteburuko pilota partiden emaitzak

Asteburuko pilota partiden emaitzak
Pilota partidak Orioko frontoian, artxiboko argazkia.

Pasa den asteburuan Orioko Pilota Elkarteko kideek pilota partidak jokatu zituzten, eta hurrengoak dira emaitzak.

Alde batetik, ostegunean Orioko Illarramendik eta Esoainek Piña Kurdin bikotea izan zuten aurkari 3. mailako pala ligaxkako jardunaldian, eta oriotarrek 18-25 emaitzarekin galdu zuten norgehiagoka. Egun berean, neskek ere pala partida jokatu zuten Aian, Orioko taldeak (Etxegia-Urien) Aiakoa izan zuen aurkari, eta etxeko taldeak irabazi zuen, 30-16 emaitzarekin. 

Bestetik, larunbatean, Lertxundik eta Aranaldek Lasarten izan zuen partida, Intza bikotearen aurka, eskuz binaka. Orioko taldeak irabazi zuen norgehiagoka 8-22 emaitzarekin.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!