Urola Kostako Udal Elkarteko laneko orientazio-zerbitzuak bi ikastaro berri emango ditu urtarrilean. Ikastaroen helburua izango da langabezian dauden pertsonei lana bilatzen laguntzea. Ikastaroek 3 orduko iraupena izango dute eta doakoak izango dira.
LAN-ELKARRIZKETA
Lan-elkarrizketetarako entrenatzeko ikastaroa urtarrilaren 18an izango da, ostiralarekin, 09:30etik 12:30era. Gaztelaniaz izango dela jakinarazi dute udal elkartetik
CURRICULUMA HODEIAN
Plataforma berriek nola funtzionatzen duten eta zertarako balio duten aztertzeko ikastaroa ere antolatu dute, urtarrilaren 25erako, ostiralarekin. Hori ere, 09:30etik 12:30era izango da, eta euskaraz eskainiko dute.
Ikastaroak Urola Kostako Udal Elkarteak laneko eta auto-enpleguko orientazio-zerbitzua eskaintzen ditu Lanbide-Euskal Enplegu Zerbitzuaren eta Europako Gizarte Funtsaren EAEko 2014-2020 EGIF Programa Operatiboaren finantzaketarekin.
Horietako batean parte hartu nahi dutenek, 943-890808 telefono zenbakira deitu edo lanpoltsa@urolakosta.eus helbidera idatzi dezakete.